Les mots surlignés font l'objet d'une note
1Monseigneur, ayant entendu votre vollanté par monsieur de Villefranche, lequel
2nous a sommés luy randre et remectre entre ses mains nous armes, n’avons
3volleu falhir obeyr à votre commandement, et une partie de nous luy avons remis
4nous dictes armes, lesquelles ledit sieur de Villefranche a prins par invantaire.
5Aulcungz de notre relligion les ont remises, comme ilz ont dict, à certains
6monseigneur, notre intantion a esté, comme est despuys que Dieu et le roy
8nous ont donné la paix, jouir d’icelle en faisant tout service et obéyssance
9à sa magesté, et à vous et ne se treuvera, comme pourront tesmongner
10beaucoup de gentilhommes cathollicques, que par nous s’en soyt ensuyvie
11aulcune desobéyssance, ne que ayons aulcunement contrevenu aux
12esdictz de sa magesté, et à ce voullons continuer et obéyr très humblement
13toutes personnes ne sont pas bien conditionnées tumber en quelque
15desordre, à quoy pouvés par votre grandeur et pouvoir y remedier, quil
16vous plaise que nous soyons soubz la protection de sa magesté
17et de vous et aussi que soyt votre bon plaisir commander aux catholliques
18de ceste ville que nous ne soyons par eulx, ne aultres, offancés,
19mais que soyons par eulx sauvegardiés. Ledit sieur de Villefranche
20leur la remonstré souvent que votre vollanté est que nous ne soyons
21offancés par les cathollique, ne en nous personnes, ne biens ; sil
22vous plaict pourrés encores commander ausdit sieur de Villefranche
23les entretenir et garder que ne soyons offancés, comme il a faict
24jusques icy, et prierons Dieu par votre prosperité et santé, vous
25presantant tous très humble service, priant Dieu
26Monseigneur, vous conserver en toute santé et prospérité. D’orpierre
27ce XXIIIIme septembre 1572,
28Vostres très humbles serviteurs et à vous fère
29très humble service
30Paulet Antar, Rolland Abel, Françoys Charys, Claude Bardet, Daussy, Pierre Girard
31[Au dos : de ceulx de la Religion d’Orpierre]